Pregrada.info - nezavisni pregradski portal

Novosti

07.02.2016. 18:16:53 - Vrabec

Vrabec 2016

SNEHA, KUM I SEKRVA

 

H pregradskem kraju v jenoj hiži,

furt se nekej kriči i ruži.

Od muke sneha se nazaj napila,

ni v kocu ni pajceke nahranila.

 

Sekrva ni to već mogla gledati,

prosila je Bogeka da joj sinek hitro dojde od kleti.

Prijatelja - kuma htela je zvati,

 Ali joj sneha to ni htela dati.

 

Po ruki ju je vdrla i rekla: "E, ne buš stara",

tak da je sekrvi slušalica z ruke pala.

Stara je odmah počela kričati,

Bogeka dragog h pomoč dozivati.

 

Snehi je rekla: "Ruku si mi strgala"

A sneha je od muke zanemela.

Prijatelja - kuma su morale nazvati,

kaj bi staru na Bračak trebal peljati.

 

Ko fiškal njihov kućni,

staroj je rekel: "Daj malo mučni".

Doktoru buš rekla da po štengah si pala,

inače ti snehu otpeljaju i bez penez buš ostala.

Tak je i bilo, sekrva je kuma – fiškala posluhnula

pa je na pitanje doktora čisto ogluhnula.

Bez svog fiškala – kuma ne bi znali živeti,

a i sneha bi morti bila več krat pri kleti.

Bolje bi bilo da sam sebi život vodi,

a ne da po tuđih hižah sudi i furt hodi.

Zna fiškal kam se splati iti

trače prenašati i dobru kapljicu h sebe hliti.

 

Gda je sekrva došla z Bračka,

trezna snehica se mlisila i prela ko mačka.

 

 

 

 

 

LOVAČKE PRIČE

 

Lov na sencu

 

Pravi lovec saku večer po gostijonah će hoditi,

a h jutro na Palčecovom bregu svoju bi sencu htel hloviti.

Bodove si je htel nabiti,

kaj bi sako leto par odstrela mogel dobiti.

Svoje sence nemre hloviti,

a za to se nemre nić ni dobiti.

Svojim petam vetra je dal,

kak on, tak i Svec pred njega ni stal.

Lovec je po rosi bežal, Svec se razmočil,

a on je mislil da je u jezero skočil.

Svec je nestal, lovec se zbistril,

zgledal je kak da se h blagoslovljeni vodi hčistil.

 

 

Jaga v Sloveniji

 

Bez dokumentov po svetu ni moči hoditi

 i još k temu, v Sloveniju, v jagu iti.

Jen, med njimi, bez dokumentov je na granicu došel,

i bormeč dobro je prošel.

Pečenku frišku su sobuj zeli,

i samo su mislili kak buju jeli.

Sve po planu h Sloveniji je prešlo,

dok se do granice nazaj ni došlo.

Si dali dokumente na pregled van,

ali neispravan je bil jedan član.

On je htel to nekak od policajca skriti,

pa je namignul, da bi htel ispravan biti.

Kaj?! Po Sloveniji hteli bi s puškuj hoditi,

a ne v Šmarju završiti?!

Gda vezu su našli, prešli su prek i počeli se veseliti

odmah su si morali nekaj spiti.

Jer pri nas je moda,

da se bez pletenke nikud ne hoda.

 

 

 

Lov na domaćem terenu

 

Lovnik Mario komandu je dal,

to ni bez vraga, ne bum tuj ko bedak bez rezultata stal.

Oružje h ruke, hdrapi po noga,

...pazite da nebute jen drugoga.

Beki, Palčec i Foto na reakciju lovnika su skočili

i po bregu v strelce se raširili.

Akcija je trajala do izlaska sunca, rosom su bili hmiti,

A v želucu je počelo kruliti.

Prešli si oni k Palčecu malo si spiti,

da bi mogli lakše po bregu hoditi.

Palčecu dioptrija jako smeta,

pa praf ne vidi ko se sve po njegovom bregu šeta.

Mogal bi iti k okulisti,

a ne s prijatelji h podrumu nokte gristi.

Lovnik Mario veli: "Dečki, trebalo bi Mladenovoga srnjaka zejti

i hitro h gulionicu h Klenice prejti.

Tam je tak od jutra do zore,

da opet pijan sam ja, ljudi mi stalno govore.

 

 

 

Srne se na krvavi trag loviju

 

Za srnu hloviti treba krvavega traga,

Pa loci išeju mengu srne od otraga.

Z mobiteli slikali na sve strane

 i trgali oko sebe grane.

Dok stari dečki osjetiju mengu srne,

 Odma si vsaki kupicu gemišta drmne.

Oni se se z tim ponose

Jer nogami žiškove jajci nose.

Jen od njih po bregu srne strelja, s jamarenjem se štima

i pomalo mu se pod nogami pravda klima.

Gda mu se potrofi odmah bi moral još nekoga sresti,

da bi mu pomogel doma srnu donesti.

Lisice s rogi bi vam prodati htel,

Je, je… Samo ke bi to smel.

 

 

 

Kratka priča o tri lovca

 

A ... Beki priča je za se,

hiti očale ko sedla na se.

Džipa je kupil da bi se po bregah mogel voziti,

da ne bi Edija moral već prositi.

Smak je v gostioni od jutra do zore

i zato nič hbiti ne more.

Gdo ne velja z društva van,

veli glasno jedan član.

 

 

 

Važni su rezultati

 

 "V sako vreme rezultati se moraju znati,

ljudi dragi, pa bar mi smo bar vinski brati."

Celo jutro potepli ste bez rezultata,

veli sinu jengov tata.

Ni važen datum, nam nigdo nič ne more,

zato nosimo lovačke odore

i samo se smije,

ko da nič nije.

Dečki dragi, rano v lov ste pošli,

 pa niste znali kak bute na kraju prošli.

Dečki če lovci pravi hteli bi biti,

morate znati

da rano v jutro ipak nesmete – PITI!

 

 

 

 

PET NA PET

"BENKOVČANI"

Pet na pet je TV kviz pri nas dobro poznati,

gda ga počneš gledati, bormeč nemreš zaspati.

Tuj Drele voditelj je bez glake na jeziku,

vsaka ženska tam pada na jengovu spiku.

 

Naši su dečki veliku želju meli,

I pri Dreletu h "Pet na pet" zaigrati su hteli.

Pobjediti oni su šteli,

ali svojim rezultatom to nisu uspeli.

 

Pitanja se od Dreleta odpiraju,

a oni su stali kak da ih h dušu diraju.

Učo si furt ruke trlja i očale popravlja,

misli si možda bu Nikola odgovoril kak valja.

 

No, nič od toga odgovora ni bilo,

držali su se tak ko da jim se vino razlilo.

 Nikola se smejal, ni treptati ni mogel

Bormeč ni on ni odgovor zmogel.

 

Davor se isto hudo smijal,

On bi valjda rajši negde kavu ispijal.

Gledal je okoli či bu mu gdo kaj šapnul

pa je i snimatelju v kameru mahnul.

 

Oni bi lenog pesa novine vučili nositi,

a kak bi bili srečni da pesi znaju travu kositi.

Gazde bi furt po letu h miru na gruntu počivali,

s kupicom h ruki hlada zazivali.

 

Neno se samo od sramote oziral,

ljepo je on pred kamerom poziral.

Učo si opet hud naočale popravlja,

Misli si: Bolje da se pri moji kleti nazdravlja.

 

Dečki naši hitre peneze hteli su dobiti,

na pameti jim ni bilo da bi mogli zgubiti.

Probali jesu, led su probili,

za drugu sezonu ipak se buju vučili.

 

 

 

 

 

VESELI SVATI

 

U Valentinovu nekaj se v tišini sprema,

bruji se o ženidbi kakve na svetu nema.

Suseda naša je odlučila h Krapinu za navek prejti,

i svoga ljubljenog za muža zeti.

 

V hiži nervoza se sprema,

ljepa mlada čaka, a dragoga još nema.

On kesni dobru vuru,

morti još popravlja frizuru.

 

Otkrila je mlada h čem je frka,

radi šofera je cela ta zbrka.

Auto je moral dobro oprati,

ipak se buju h njemu vozili svati.

 

Auto je čist i zglancan,

a šofer "zrihtan", pravi je macan.

Mladenec i on po mladu se voze,

došli bi oni hitro da ni bilo vinove loze.

 

Mlada je na muki i misli glasno

"Naplatila bum ja to masno".

Slikati se h Bežanec treba iti,

ali za to mladenec treba tuj biti.

 

Odjemput mladenec k hiži ide,

al kriva mlada z hiže zide.

Krivu mladu su mu poslali,

Ključanicu pokvarili i ključ od vune narihtali.

 

Bilo kak bilo, mladu su sprosili,

I z hiže su ju vun dobili.

Pozdravila se mlada sa starešima i bratom,

prešla se venčati sa svojim svatom.

 

Pred Pregradu došli su oni,

a na cirkvi su se oglasili zvoni.

Mladenac i mladenka spremni su ko nigdar prije,

ko da v crkvi, iznad jih, sam Bogec bdije.

 

Mladenac je DA odmah rekel,

misli si: Valjda se nebum jako opekel.

Mladenka je isto bila spremna,

reći DA i postati njegova žena.

 

Sretni su bili vsi gda su ti čin obavili,

a onda su se v restoranu Zagorec dobro zabavili.

Počela je fešta u čast braka novopečenoga

i njihovog velikog DA izrečenoga.

 

Za malo po Zagorcu nekaj se šuška

izgleda da se bratec napil ko z rakije kruška.

Zel si ženu pod ruku i prešel je gmof spati,

nije više mogel na svadbi tancati.

Žena je njegova jako huda bila,

da je po noči, od muke, celu hižu počistila.

Jutro je došlo i z svadbe došli su svati

Pa su i oni hteli iti spati.

 

Veseli mladenci svoju su životnu želju spunili,

veliku svadbu su dobro pripravili.

Vsako im dobro i sreća nek ih prati,

nek sineku čim pre dojdeju male sestre i brati.

 

 

 

 

 

 

FACEBOOK PROZOR U SVOJE DVORIŠTE

 

Blicnula je Planetom univerzalna ljubav,

zasjala je i Vrapčevim rajem,

ulogorila se na facebooku,

 pa se prijateljstvo proširilo i našim krajem.

Lajkovi frcaju,

pogledi štrcaju,

superlativima nigdar kraja,

svi se predstavljaju kak spada,

hvala velika i sreća vlada.

Bežanec tuj se našel da vsima veli,

da se tuj blizu i grad beli.

Jenga dva turna krasiju, i v jutro ga budi zelena zora,

 pa se tu znatiželjno dojti mora.

 

Valentinovo je selo malo,

Davno je tuj nastalo.

Dvorac zaljubljenost slavi,

htel bi da ekonomiju u prvi plan stavi.

Turizam je odrednica poput dara,

a ljubav u novac pretvara.

Boljitak bu došel k nam, ke i spada,

gda se bu zbudila lokalna vlada.

 

Siniša je sebe predstavil davno,

a h vanjskom svetu prošel je slavno.

Ljubav je naša prava,

Da zagorski jal ne spava.

Tradicija nas jalna veže,

 i se nas bolj steže.

Pazimo dobro da ideja ne spliva,

da ne bi postala živa.

Da ju pametna glava ne predstavi

i da se ne proslavi.

Mi smo genijalci pravi,

Samo nam je jal v glavi.

 Uspeh vsaki dobro je došel,

al uspešni človek baš ne tak prošel.

 

Dok Svjet pametne pomaže,

mi se borimo da se oni ne osnaže.

Njihove ideje nisu nam date,

a i njihove kvalifikacije su nepoznate.

Bu igda ljubav poslanja nas vse unapredila,

pa bu vse stvari kak treba posložila.

Topla su srca hotelu nada

i kucaju v nestrpljenju sada.

Živimo v dičnoj hvali,

dok Bežancu pregradska ljubav fali.

Zato nek Svjet otkriva

 Gdo se za kim skriva.

 

 

 

 

 

JAO SI NAMA

 

Ovisnost autoriteta boljka je stara

kaj "Njemu" dobro odgovara.

Medena kola negdo tovari,

da mu za života nič ne fali.

Slasna je vlast narcis smjera,

ali kojom se on svima zamjera.

 Turizam je otkril ko persperktivu,

i postavil konačno svoju direktivu.

Medije on jako potiče,

da se marketiniški jače ističe.

A da radost bude veća

u prilog mu ide i financijska sreća.

 

 

 

 

 

ŠUDER JE VSE ZAJEBAL

 

Jaka bu moral gujceke gazdi od muža prodati,

ka bu mel peneze za šuder na breg dopeljati.

Tak vam se to dogodi gda muž pri hiži muči i skače,

a baba se plače, ko da je tišiju gače.

Muž od gazde (Pepica) v hiži glavnu riječ ima

pa se s tim još i štima.

Od kljeti do brata šuder bi moral dojti,

to mu ne more samo tak projti.

Z vsimi bi si htel dobar biti

i prevoznika Zagvozdu potkupiti.

Šuder je od Mesnog Odbora za put dobil

kak bi susede zajebal, šuder za cestu je odgodil.

Gazda i šef veliki na bregu se drži,

Od velike brige se negda zgubi.

Zagvozda bi s Jakom htel dobar biti,

a bormeč nije ni senjal kaj bi se moglo dogoditi.

Šuder je na deponij Zagvozdi dal otpeljati

ko da su si rođeni brati.

To će jim skoro presesti,

Gda će im odbornica Goga za vrat sesti.

Zagvozda ga na deponij skipal,

ali Jaka se zajebal kaj ni teren ispital.

Na deponiju kup se širi

ko da su kvas v njega vlili.

Za asfalt čeki več su došli, ali Jaku to ne dira,

 "Dečec bu platil, dajte mi mira!"

Svoje mudrolije okolo prodaje,

a svi ga znaju, retko se kaje.

Stalno ljepe rečenice slaže,

a čim zine, dobro zamaže.

Do pretileti treba ob svojem trošku šuder dopeljati,

će bu htel pri miru h svoji hiži spati.

 

 

 

 

 

SLIKA I PRILIKA

 

Sused mučkaruš i zmotanec je v stvari,

bum Vam povedal kak sliku o selu kvari.

Već par let on se hvali kak je pametnejši od vsih nas,

a ponaša se ko tulec i svi mu se smiju na ves glas.

 

Gda odbornika je v selu glumil,

stalno je nekej h sebi kumil.

Šudera na njegovi cesti je puno bilo,

 to se ni nič krilo.

 

Stalno se z nekim svaditi htel,

a ni sam ni znal da još nije za to zrel.

Pamet za to treba imeti,

Či te gdo opere, da ne moraš v stran gledeti.

 

Lovec je pravi, to ni nigdar tajna bila,

Čim se na lov zmisli, proradi mu kucavica žila.

Negda se posreći, a negda si laže i "lov"si narihta,

Najgorje je gda ženu za dozvolu pita.

 

O njegovom lovu dosta se zna i preveč čak,

A zna se i da v školi ni bil baš nekakvi đak.

Prošlo je leto za odbornika na listi bil,

 za se ni mogel glasati, rajši je h Kameliji pivu pil.

 

Svašta bi človek od njenga mogel čuti i navčiti,

a pametnemu v društvu ž njim jemput dosta je biti.

Važen se i pameten jako dela,

kak da je on gospodar našeg lepog sela.

 

Naj nam se, prijatelj, nič jeziti na te reči,

puno tega još bi ti mogli speči.

Bole si pivicu spij,

i na vse se nasmij.

 

 

 

 

 

 

VESELI DEČKI IZ KUD-a

 

Znamo da su se u KUD učlanila dva dečka mlada,

No, pozabili smo točno kada.

Za berbu su pomočni voditelji bili

Al prvi dan su pod šatorom dosta pili.

K Slavici po opremu su došli,

ali baš s njom dobro nisu prošli.

To su bili Hrvoje i Dara,

Su se napili pa je bilo dar-mara.

Pozabili su doma na sekire,

A zgodne cure su im fkrale šešire.

Dara je krenul prema domu,

a Hrvoje je pal h komu.

Iskal je Hrvoje šešir po trgu i placu

I pital se: Kak bum jutre glumil facu?"

Hrvoje se za šešir i zbil,

Samo kaj ne bi ispal debil.

Vidimo da su oni na kraju dobro prošli

jer su ipak drugi dan za voditelje došli.

Zato poručuju da ne praznite često čašu,

kaj se to ne bi obilo o glavu vašu.

 

 

 

 

 

 

 PROMETNA PRIČA IZ KOSTELA

 

Priča iz Kostela stiže,

Da jedan auto po cesti gmiže.

H zavoju mu malo šofer gasa dal,

Mam je taj auto h jarek pal.

Renault se našel nasred tranika,

Faliju jemu hauba i dva branika.

Ljudi veliju da je šofer svima poznata lica,

Svi su ga prepoznali makar je bila kmica.

Grdo je zgledalo, grdo je i bilo,

Auto je razbit, šoferu se ni nič dogodilo.

To je Marko, gradonačelnik naš,

On je pravi Kosteljanec i pajdaš!

 

 

 

 

 

ZABAVA U PARCO CAFFEU

 

Kada petak dođe,

mora da se u Parco caffe pođe.

Svaki vikend tam muzika bije,

bormeč se dobro zabavlja i pije.

Jedino se tam u Pregradi izaći može,

Pa se ljudi napiju skroz do kože.

Kada muzika prema kraju svira,

za tučnjavu se ne bira.

Tam je h jutro pravi skeč,

kad se održava boksački meč.

Ko izbacivač radi gazda Saša,

onda se tek napravi kaša.

Samo da ne bi kak je za Vse svete bilo,

Kaj se vino već oko pol noći ni pilo.

Vino u času mu nesta,

nije tam bilo slobodnoga mesta.

Samo nek bu tam i muzika po ljeti,

pa bude i drugo ljeto na tapeti.

 

 

 

ISPORUKA DRVA V SOPOTU

 

Panika h Sopotu se diže, jer nam od tam priča stiže!

 Gospođi pravo ime nesmemo otkriti,

jer bi na nas mogla huda biti.

Ona se navek za zimu sprema,

Nigdar z drvi problema nema.

H fusti se z Štefam ne bi mučila,

zato si je 4 metra drv naručila.

Ona z rukami protiv toga maše:

"Vrag vas, ova Vam mera nikak ne paše!"

Prodavač je rekel: "Či je tak, ja ih peljam natrag!"

Gospon, ja sam jedna gospa mila,

htela bi dobiti kaj sam platila.

Hižu još moram gletati i malati,

dojdite mi drva h pondeljek skalati.

Onda Vam bum do kraja platila...

nisam zabadaf sindikalista bila!

On pa zakričal: "Kaj je vam došlo?!

 To vam za rukuj bormeč ne bu pošlo.

Ak tuj ni 4 metra, ja sam vrak!

Kaj vi ne znate da se z drvi meri i zrak?!"

Na kraju drva h prikolicu tovarit je pošal,

a za kratko vreme pravi kamion z drvi je došal.

 Navčil je on na kraju jenu novu lekciju:

Dobro da ni gazdarica pozvala šumarsku inspekciju!

Zato živela pravica i naša Slavica.

 

 

 

 

 

 

 

DEMOGRAFSKE DILEME

 

V Grad sem zašla i

Još nisem se ni snašla,

Na vse strani se poveda

Pa i dok se spoveda;

Natalitet treba popraviti

Našu lozu nastaviti.

Žurim se doma da bi tome doprinesla

Odmah sem muža stresla.

Dragi moj, moraš se zbuditi

Ja se idem hitro pripraviti.

Bum se slekla

I nekaj zavodnički oblekla.

Decu moramo delati

I lozu delj otpeljati.

 

Si ti ponorela?

Ti je vrana mozak pojela?

Za decu delati

Trebaš određene uvjete meti.

Najpre treba hižu bez nameta meti

Onda treba mlada žena biti

Ka bez problema more roditi.

Ja već ne bi smel piti

Jer bi zdrav i fit moral biti.

Vidiš da se tuj ne uklapamo

Švicarci su nam f hižu došli

i vsi apetiti su me prošli.

Ti ne moreš već mlada biti,

a ja si ipak moram negda spiti.

 

Tak je! Praf si povedal!

Opće ja ne znam gdo je to povedal...

Vsaki kaj to poveda

Nek se tega prime, či ni deda.

Nek sam pokaže,

Kak se demografska slika slaže.

 

 

 

 

 

 

 

GRABA

 

Vse je mirno i onda se navek tuj nekaj krije

Sused po susedu proste reči sije.

Ni jenega dneva da negdo ne galami

Al to kaj bum vam rekel, nek ostane med nami.

Veliki gazda, ma veliku grabu, a pokositi ju neće

Veli da bu na njoj mel svoje smeće.

Graba je h puši

I našemu selu ugled ruši.

Sused i suseda "lepo" ga prosiju

Buju došli dečki da to pokosiju!

On nikak neče,

Tam je njegovo smeče.

Staro železo bi moral premestiti

I z drugim mestom zameniti.

Suseda čez okno gledi

I ne more kavu piti kak graba grdo zgledi.

Sused je videl da ni nič

Pa je zakričal: "nek zeme Hudić"!

Nema druge, mora popustiti

Mesto v grabi napustiti.

Pokositi grabu, posekati granje

Morali su dečki z Niskogradnje.

Grabu je za malo videti bilo,

Pa zgleda ko da se ni nič dogodilo.

Zde se suseda veselo smije

I kava joj se pri obloku pije.

 

 

 

 

 

KEFAR I ĐINA

 

Grdo vrijeme vani je nastupilo,

Pri Pajdašu društvo se okupilo,

Kad na vrata je banul Božo Milina – Kefar zvani.

"Halo, gospon, stani!

Pesa vu restoran ne smete pelati,

To bi morali znati,"

Konobarica kriči.

 

"Daj mala ne viči!

Moja Đina kusica je fina i nije glupa.

Putovnicu ona ima i papire ima bolje nek vsi vi skupa.

Da ona nekaj tu napravi, ja odmah od srama bi isparil.

Ni praf to ni rekal, kad pesek se je pod stol istovaril.

 

Konobarica kosu čupa, Kefaru mrak pal je na oči

Bojimo se da mu srce ne iskoči.

H birtiji, pardon, restoranu smijeh se ori

Dok se Božo za zrak bori.

Božo drek je pokupil i z vratima zalupil, ali prije toga je rekel:

"Nemate vi tu kaj po nama pljuvati,

Vidim ja da u ovom restoranu samo pijanci smijeju bljuvati.

I da više z ovima borbu ne vodim,

S tobom Đina od sad samo h Pivnicu hodim."

 

 

 

 

 

 

 

VLADO I DANIJEL

SAGA O MUŠKOM PRIJATELJSTVU II

 

Vlado i Danijel pri Pajdašu su bili i polahko gemište su pili.

"Vlado, pala mi je na pamet ideja jedna, zlata je vrijedna.

Po Njuškalu ja sam listal i od veselja mam sam zablistal.

Ormara dva ženska h Zagrebu daje, skoro zabadava.

Jedan je sto kuna, a drugi ne košta ništ.

Mala, daj nam još po gemišt."

"Pa, dobro", Vlado veli. "A kam bi mi ipak dva ormara deli?"

Ali Danijel pun je veselja: "Pa voćaru našem Asimu bum rekal da nam ih dopelja.

Ne bum ih valjda na plećima nosil kak zombi, kad človek ima kombi."

Dogovor je pal. Asim ćevape s duplim lukom je pojel i v kabinu je sel,

Dečki rundu su obrnuli i na put oni krenuli.

Sklopili su oni tak trojni savez, a kabina im smrdi ko lavlji kavez.

Kad na odredište oni su stigli, pogled u nebo su digli.

Nevolja im je na vratu, jer ormari su, eto – na četvrtom katu!

Pešice, dečki, dole to se pela, jer lift, naravno, ne dela.

"Zeli bumo stvar u svoje ruke, pa ne bu to tak puno muke",

Danijel mudro veli.

Ali čim za ormare dečki su se prijeli,

Shvatili su da u prizemlje ne buju došli baš celi.

A za to vrijeme Asim naš dragi ruke si ne maže,

On pozorno drži se čuvanja straže.

"Ne bumo drugoga zeli", Danijel bijesno veli.

"Sram Vas gospođo može biti!

Za ovo, Vi bi nama morali platiti."

Na putu natrag vragi nemilosrdni su bili

I Danijelu praf su se krvi napili.

"Ti bedak jedan, put u Zagreb toga ni bil vredan!"

Danijel poslušati to više nije htel

I čim su došli doma, sekiru je h ruke zel

I da bi se rešil te halabuke,

Ormaru je sa sekirom skratil muke.

A Danijel i Vlado nisu se svadili ništ, nego su prešli k Pajdašu na gemišt.

"Mala, daj još dva!"

 

 

 

 

AL CAFFE

 

Siniša, svima nama znani, od milja Al zvani,

Simpatičan caffe u našem gradu vodi,

Al mi znamo da se tam kaj toga kroz godinu zgodi,

Ali o tome bumo ipak drugi put…

Godina se, eto, bliži kraju i inventuru napraviti treba, to svi znaju.

I da ne bi državi ostal nekaj dužan,

Poduhvat Inventura postal je – prijeko nužan.

"Posla sam se bum primil", Siniša je rekal,

Ali baš tad mu je prokleti monitor zaštekal.

Siniši našem vura polako tuče,

A srce ga sve više u Istru na doček Nove vuče.

"Nemrem sad stati, Fotona moram ja zvati", misli si on.

"Nemremo ti mi niš prek telefona reći,

I monitor i kompjuter moral buš k nama dovleći".

"Vremena ja nemam, dečki moji dragi,

A situacija mi baš i nije neka,

Pa Istra me, ljudi, čeka."

I tak se naš Al odlučil riješiti jada – prijatelj Terenac posljednja mu je nada.

A Saša prijatelj je stari i ozbiljno shvaća stvari

Pa je tak on svoj monitor zel,

Pod ruku ga je del

I pajdašu u pomoć došel.

Mučili su se tak oni dva-tri sata

Kad mala Ivana banula im je na vrata.

Ivana cura je bistra pa im je rekla:

"Vrag vas nori jebi, pa vi bi morali znati

Da kompjuteru struje treba dati.

Možete ga kam god hoćete pelati,

Ali bez struje on nemre delati.

Od posla vašega, vidim ja ne bu ništ,

Popijte si vi, dečki moji, rađe koji gemišt.

Inventuru napravila ja bum sama,

A ti, Al, put pod noge kaj ne bu Istra čekala te

Koja draga je i nama."

 

 

 

 

RUSKO-ZAGORSKA LJUBAV

 

Pregrada.info list je pravi

Dugo več služi da nas informira i zabavi.

No, prošlo leto napravil je smjenu

Za urednicu je postavil mladu ženu.

Krušlin veli da je prestar i da ma druge probleme,

shvatil je on da mu je za ženiti vreme.

Dugo je čakal, iskal onu pravu,

a onda mu je jena Ruskinja okrenula glavu.

Bil je kod nje h Moskvi, ali mu je gore zima

Ne odgovara jemu baš ta ruska klima.

Piti bi moral rakiju da se zgrije,

a muž je naviknut na gemište i đekije.

I zbog posla h banki ni mogal dugo od doma biti,

a zaželjel se i h Tom Tomu za šankom sedeti i s Tkalcem piti.

Kak pravi prijatelj, darove je donesal vsima

Kakve? Pa majice s likom Putina.

No, hitro je za jim došla i mlada.

Valjda je htela videti kaj to nudi Pregrada.

Ali njoj su gemišti bili preslabi, bilo joj je to koma

pa je prešla pak h Rusiju doma.

Sad Joža zbog Ruskinje i rakije ma noćne morice,

posadil bu šljive, a hitil van gorice.

 

 

 

 

EKO SELO

Mi smo kumice u okolnih brega

Rade bi vam povedale sega tega.

Svekolika kriza nas je stisla

Tak delati ni več smisla.

Mislimo kak dobiti peneze iz EU fonda

Pa smi mi rekle: "Hajmo i mi onda!"

Mi smo se odlučile, najpre, za seminare

Ka bi navčile kak z fonda zvleči pare.

Po noči smo študirale i nismo spale

Kaj treba, h projektu, napisati nismo znale.

Zahvaljujemo dragemu T-komu

Ideje su zapisane kak je napamet pala komu.

Nakon časov na telefonu,

I spitih kavih na balkonu,

Naš EU-projekt – blagoslovljen po popu

Bil je sprema za zvezdanu Europu.

V projektu smo se vodile time

Da bi mogle dojti hujše zime,

Da se grijanja izvor obnovljiv biti mora

Dvoje se f krevetu greti- nema boljega izbora.

Naši mladi su pozabili da se ljubav h krevetu vodi,

Oni to rajši delaju z gumi i silikoni, na zraku h prirodi.

Priroda zbog tega jako pati,

A kakva je muka gda se gumica na pretepalec uhvati.

Mi smo za ljubav bez sega tega i v toplem domu

Pa se morti nekja potrefi komu.

Bili bi opet ponosni Zagorci i Zagorke

S punom hižom vesele dečice.

Drugi del projekta je "V zdravem telu – zdravi duh"

I mi se trudimo: "Uh, uh, uh!"

Vsi moramo mršavi i bledi biti

I k dotoru več me bumo morali iti.

Vsi moramo biti na dijeti

I po retko iti klijeti.

Cele dneve se po njivah kretati,

A h večer lagano šetati.

Da bi čim uspješnije provodili dijetu

Mo bumo uzjale najmanjše kokoši na svjetu.

One neseju jajčeka pol manja

I od njih buju bedra odmah tanja.

Uzgajati Katice – preporuka je agencije

Njihova jajca su za povečanje potencije.

Europa je prepoznala naš potencijal

Ali moramo pobediti i naš domaći jal.

Muži naši su dobili VINSKE CESTE

Pa lepo prosimo, za našu "CESTU OD JAJCIH", meste.

 

 

 

ZAGORSKA SVADBA

 

Dobrodošli na brod kaj plovi bračnim vodama,

brod kaj ide vu pravcu odricanja i kompromisa,

a zadnja mu je destinacija - ljubav do groba.

Tak vam je to dragi mladenci,

tuj vu Pregradi je postala moda,

da se saki čas negdo rastati mora.

Vi ste odlučili da bute do kraja života,

z jednom te istom osobom spali

i mi vam na temu čestitamo.

Nekak bute zdržali….

 

FRANCEK dragi, tak da znaš,

ti buš sad prežejak, ti si došel z humske fare,

al te Barek nazaj ne bu dale.

Buš se vu "Udrugu prižejakov učlanil"

i buš videl da se nisi nič fkanil.

 

BAREK, Barek, draga...

Ti si pregradska ženska prava,

takve već dugo ni videla niti jena fara,

ti si ljušna, pridna, fletna,

Franceka buš pod svoje peruti dala.

Bogatega muža z humskega kraja ti si zbrala.

Kufer penez, jenu živu mačku i kokota za hrbiju sobom je donesel, k

aj punicu bu podmitil i popeval si vesel.

 

Dragi mladenci, da bi dugo let živeli i punu hižu dece imeli,

to vam želiju svati veseli !!!

 

Ž I V E L I !!!

 

 

Reklama