Pregrada.info - nezavisni pregradski portal

Foto: Tomica Kolar

"Ti si bila lijepa kak lijepa majska noć, a srce ni mi dalo od tebe iti proč…", popievali su Taborgradski dečki liepu ljubavnu popiefku i saki je od nas dobru znal i razmel kak je muorala biti liepa na, za keru je tak liepa popiefka napisana. Kakva je liepa majska nuoč znaju najbolj nie ke se hu ti noči maju radi i ke niesu strahu kak bu se se nuo kaj jih čaka odmotalu.

Z druge strane, dok prejdeju brige i posli naših dnevah, mi ke se sakakvega posla prijemljema, hvečer sma tak trudni ka preveč krat nemama cajta još i na tu misliti; da je vune najlepši diel liepe pretileti, zde, dok se je dež spadal i veter spuhal i ne treba več kuriti, da su h večerkima počele žabe regetati, da grilci stružeju z nogami, da topli zrak z briega zna donesti duhu dišeče bezgavine i gacije, da je kmica merna i da ne plaši i još k temu da je se tuo zabadaf. Pozabima da hu ti noči marti negdu na nas čaka i čaka, a vrieme ide. Nemama cajt misliti, zaprema se fižu, hvužgema televizor i onda žjenga drugi misliju mestu nas.Kak got bilu, poklje maja bu došal lipaj pa serpaj pa kolovoz pa ti je več jesen tuj,a za liepu majsku nuoč buma se načakali do drugega leta. Malu se ipak šalim. Znam da saki od nas furt nekaj misli. Tak su i mene h misli došli nie keri su lepotu tega svieta znali vidati i znali meti radi, keri su bili puolek nas, dali ot sebe punu tega vriednega i liepega i zapraf sčuvali nuo kaj mi zde mama, za nas i za ne keri buju tuj dok nas nebu. Ot jenega takvega, kerega več nij na svietu, a bil mi je blizu, ž jengave bilježnice, prepisal bum opet nekaj kaj je un kak pesnik vidal i drugim pokazal. I dal. Naruodil se je h Pregradi 1929., ke je i hmer, 1991. leta. Po imenu Josip, a zvali su ga Jožica, tatek moj. Tri pesme, saka ma hu sebe zavičaj i saka ma pretilet, a Vi ke bute čitali poišite za se nuo kaj Vam paše i treba:

Fašnik

Več fašnik je došel
nesem se oženil     
ne znam al ni sreče
al' sam se vulenil.

I mojoj nesreči
ljudi se smejiju,     
da sem stari dečko,      
več zvoni zvoniju.

Al' ne buju dugo…     
Čim bu došlo leto,     
našal si bum šocu     
i to naj bu sveto!

Zakaj baš vu zimi,     
kaj ni lepše v maju?      
gda rože i sance      
pravi raj nam daju.

(1958)

Martinove črešnje

Vu celome selu nišer ni črešnje imel
samo naš Martin na bregu,     
ki nas je rad' njih tak hudo klel.

Ali te črešnje, črlene i žute,     
znale su nam skuhati batine ljute.

Kako i ne bi, želja nas vleče,     
videti črešnje, probati sreče.

Čim naša "klapa" na črešnje zajde,    
prefrigani Martin nas hitro najde. 

Pa zvleče remen iz svojih hlača,     
zamahne, vudre i grdo plača.

"Do vas je poslal?", čudi se, pita    
i našim ocem lekcije čita:

"Dok sam jas vočke cepil i sadil,     
jen se je gospon vu senci hladil,    

Drugi se skital, bedaka zbival,     
treči se bogec z vinom zalival!"

(27. ožujka 1957.)

U Sutinskoj

Sjeo sam kraj puta što sutjeskom vodi,
gdje se sva ljepota od prirode shodi.

Skrećem amo-tamo pomamljene oči,
željan sve odjednom svojim vidom proći.

Al' se tu i tamo oko zaustavlja,     
daje srcu odraz radosnoga slavlja.

I dok širim grudi u bukovoj sjeni,    
slušam slapić vode što niz kamen pjeni.

Vidim strme klance drvećem obrasle,    
na proplanku srne gdje bi travu pasle.

U zraku pak gore spazim ptice veće,    
dva jastreba siva pećinom oblijeće.

I još jedna "himna" najljepša je bila:    
Ej što skladno zvuči ptičja pjesma mila!

Te me pjesme jeka daleko zanese,    
tam' do gorskog cvijeća "čim se vile rese".

Pa i ja uberem svežnjić toga cvijeća    
čij' me miris trajno na Sutinsku sjeća.

(18. lipnja 1955)